《基本法》親子工作坊本周六及日舉行

【本報綜合報導】據大公網9月14日消息，香港係一個法治社會，但點樣可以俾小朋友認識基本法呢?呢個就有啲技巧啦！政制及內地事務局星期六同星期日，喺屯門市廣場1期1樓中央廣場舉行一個基本法工作坊，當中有大型基本法棋盤遊戲、基本法互動劇場，仲有手工藝工作坊添，俾小朋友可以從中認識基本法。

到底手工藝工作坊同認識基本法有咩關係呢? 其中一個工作坊就係手造卡祖笛。首先，卡通卡紙已經印有基本法條文，經過剪剪貼貼，最後用卡紙包裝卡祖笛，效果真係幾有趣架。親子工作坊同埋互動劇場以廣東話進行，歡迎六至十二歲嘅小朋友同埋家長參加。名額有限，先到先得。有興趣嘅記得早啲去啦！