勵進贈書學校增中史知識

【本報綜合報導】據大公網訊，正所謂「書中自有黃金屋」，讀書真系非常重要，大家睇下唔少成功人士接受訪問時都會介紹一兩本書畀大家就知。近期唔少人話依家啲學生對中史認識唔夠，甚至連「支那」背後的意義都未搞清，你話死唔死？為咗令學生對中史增加認識，勵進教育中心近日將一套名為《寫給兒童的中國歷史》香港版嘅圖書送畀香港學校，希望利用今次送書活動，增加中、小學生對中國歷史的認識。

老友記話畀鄭晴知，今次贈書活動由勵進教育中心主席範徐麗泰領軍，佢同理事曾德成、梁愛詩及梁紀昌四人，最近分別去咗聖保祿學校、香港浸會大學附屬學校王錦輝中小學、聖嘉勒小學同鮮魚行學校送書（左圖）。

據瞭解，當日四位大受學生歡迎，仲齊齊爭住要拍照留念。

呢套圖書系勵進教育中心「光大控股星聲講故事」計畫嘅一部分，已送咗去全港九百多間中、小學校，為咗配合呢次送書活動，勵進教育中心邀請咗社會上唔少知名人士聲演呢套圖書部分故事，已經發表嘅分別有中大校長沈祖堯嘅「十全老人」、著名歌手容祖兒嘅「最大方的人」和香港體操運動員石偉雄嘅「女皇帝」。