李文浩着草英国　网民笑言送瘟神

【本报讯】（香港文汇报记者 黄书兰）做得阴鸷事多，实冇好下场。话说臭名远播、喺上月俾人DQ嘅前深水埗区议员李文浩噚日喺facebook上载咗张喺伦敦希斯路机场影嘅相，话自己已离开香港去咗英国，又称自己做议员系为咗「对抗中共」云云，仲死鸡撑饭盖话自己唔系「流亡」，系「选择离开」喎。唔少网民知道佢着草英国，都笑佢系无胆匪类：「讲就大大声，实际佢先惊！身体就系最诚实，扑（仆）到走都走唔切。」

●李文浩称自己已离港抵英。 fb截图

李文浩长年喺地区挑拨仇恨同歧视，好似佢上年3月就喺议办门外张贴「蓝丝与狗不得内进」告示，拒绝服务兼侮辱唔同政见街坊；上年11月再喺区议会辱华，称中国人等同「过街老鼠」；到上月更借住水警殉职嘅不幸事件宣扬仇警，声称「几多人想睇住佢哋死」云云，随即俾全城闹爆丧尽天良、冷血，犹如过街老鼠。

噚日，佢喺fb公布自己已离港，仲死鸡撑饭盖话自己唔系「流亡」，系「选择离开」，声称自己「已经搵到更好嘅攻击角度」，会「积极运用知识」，「同中共对着（着）干」喎。讲到系威系势，但临尾又补返句︰「至于做乜嘢，多讲无益，有效果自然会见得到。」讲完一堆废话，仲话「我哋会赢」。

呢种精神胜利法都引嚟唔少网民耻笑。「张展聪」学佢嘅逻辑揶揄︰「开心就得，人人都知你唔蠢，只系选择做蠢人。」「Anson Lau」就话︰「流乜都好喇。千祈唔好返嚟就得啦。」「Raymond Cheung」亦话︰「我真系8月底已经喺英国见到你啦喎，做乜咁耐而（

无论佢讲到点样，唔少网民都觉得搞到要走佬系佢自己攞嚟衰。好似「Arthur Leung」就指英国有种族歧视问题，相信佢好快有「现眼报」：「恭喜晒（晒），迟些领略下佢自己被人歧视的感受。」「Sam Yuen」就指英国现时疫情仍居高不下：「本周（周）英国新增30万确诊。」

亦有唔少网民形容系送走瘟神。「Kong Tang」亦话︰「D（啲）垃圾俾（畀）晒人咪重（仲）好。」「万里行」话：「走了是香港之福！愿『牠』永不回头。」